№35 Жумабек Чаргынов атындагы орто билим берүү мектеби

8-класс. Инженердик технологиялар

Профилге чейинки даярдоо · 10 сабак · 20 саат

← Курстун программасына кайтуу

Курстун максаты

Python жана Scratch чөйрөлөрүн колдонуп, алгоритм түзүү жана талдоо, программалоонун негизги конструкцияларын пайдалануу, коддогу каталарды табуу жана жөнөкөй оюндарды же колдонмолорду түзүү.

Күтүлүүчү натыйжа
Окуучу алгоритм түзөт, өзгөрмө, шарт, цикл жана функцияларды колдонот.
Практикалык багыт
Жөнөкөй программаларды, оюндарды жана колдонмолорду түзөт.
Сабактын форматы
Ар бир тема — 2 саат (80 мүнөттүк сабак планы).

Сабак материалдарын жүктөп алуу

Ар бир сабак үчүн Word форматындагы сабак планы жана PowerPoint презентациясы берилди. Файлды ачуу же компьютериңизге сактоо үчүн тиешелүү шилтемени басыңыз.

1-сабак. Python жана Scratch программалоо чөйрөлөрү
↓ Word сабак планы
↓ PowerPoint презентациясы
3-сабак. Арифметикалык амалдар
↓ Word сабак планы
↓ PowerPoint презентациясы
4-сабак. Салыштыруу жана логикалык туюнтмалар
↓ Word сабак планы
↓ PowerPoint презентациясы
8-сабак. Коддогу каталарды табуу жана оңдоо
↓ Word сабак планы
↓ PowerPoint презентациясы
9-сабак. Кодду талдоо жана жакшыртуу
↓ Word сабак планы
↓ PowerPoint презентациясы
10-сабак. Жөнөкөй оюндарды жана колдонмолорду түзүү
↓ Word сабак планы
↓ PowerPoint презентациясы
1-сабак · 2 саат

Python жана Scratch программалоо чөйрөлөрү

Максат: Программалоо чөйрөлөрүн таанып, жөнөкөй буйруктарды аткаруу.

Практика:
  1. Python’до print("Салам, дүйнө!") буйругун аткаруу.
  2. Эки сандын суммасын чыгаруу.
  3. Scratch’та каарманды жылдырып, билдирүү чыгаруу.
Үй тапшырмасы: Өзүңөр жөнүндө үч print() буйругу менен маалымат чыгаргыла.
2-сабак · 2 саат

Өзгөрмөлөр

Максат: Маалыматты өзгөрмөлөрдө сактоо жана программада колдонуу.

Практика: Аты, жашы, классы үчүн өзгөрмөлөр түзүү; эки сандын суммасын эсептөө; маалыматтарды print() менен чыгаруу.
Үй тапшырмасы: Өзүңөр жөнүндө 5 өзгөрмө түзүп, экранга чыгаргыла.
3-сабак · 2 саат

Арифметикалык амалдар

Максат: Python операторлору менен эсептөөлөрдү жүргүзүү.

Практика: Эки санга амалдарды колдонуу; квадраттын аянтын жана периметрин эсептөө; бөлүү калдыгын табуу.
Үй тапшырмасы: Бөлмөнүн аянтын жана тик төрт бурчтуктун периметрин эсептеген программа түзгүлө.
4-сабак · 2 саат

Салыштыруу жана логикалык туюнтмалар

Максат: Салыштыруу жана логикалык операторлорду колдонуу.

Практика: Сандарды салыштыруу; логикалык туюнтмалардын натыйжасын аныктоо; жаш куракка байланышкан шарт түзүү.
Үй тапшырмасы: 5 салыштыруу жана 3 логикалык туюнтма түзүп, натыйжасын жазгыла.
5-сабак · 2 саат

Шарттуу оператор

Максат: Шартка жараша ар башка аракеттерди аткарган программа түзүү.

Практика: Сандын оң/терс экенин аныктоо; бааны чыгаруу; жаш курак боюнча уруксатты текшерүү.
Үй тапшырмасы: Упайга жараша баа чыгарган программа түзгүлө.
6-сабак · 2 саат

Циклдер

Максат: Кайталануучу аракеттерди цикл аркылуу уюштуруу.

Практика: 1ден 10го чейин сандарды чыгаруу; сандардын суммасын эсептөө; көбөйтүү таблицасын түзүү.
Үй тапшырмасы: 1ден берилген n санына чейинки сандардын суммасын эсептегиле.
7-сабак · 2 саат

Функциялар

Максат: Кодду бөлүктөргө бөлүп, функцияларды түзүү жана чакыруу.

Практика: Эки санды кошкон функция; тик төрт бурчтуктун аянтын эсептеген функция; функцияны бир нече жолу чакыруу.
Үй тапшырмасы: Эки сандын чоңун кайтарган функция түзгүлө.
8-сабак · 2 саат

Коддогу каталарды табуу жана оңдоо

Максат: Программадагы каталарды аныктоо, себептерин түшүнүү жана оңдоо.

Практика: Кашаа жана тырмакча каталарын оңдоо; өзгөрмөнүн атын тууралоо; туура эмес эсептөөнүн логикасын текшерүү.
Үй тапшырмасы: Үч атайын ката киргизилген программаны таап, оңдоп келгиле.
9-сабак · 2 саат

Кодду талдоо жана жакшыртуу

Максат: Коддун иштөө логикасын талдоо жана аны түшүнүктүү, натыйжалуу кылуу.

Практика: Даяр коддун натыйжасын алдын ала айтуу; кайталанган бөлүктү циклге же функцияга өткөрүү; аталыштарды жакшыртуу.
Үй тапшырмасы: Мурунку тапшырмалардын бирин тандап, кодун жакшыртып келгиле.
10-сабак · 2 саат

Жөнөкөй оюндарды жана колдонмолорду түзүү

Максат: Алынган билимдерди бириктирип, чакан программа же оюн түзүү.

Практика: Сан тап оюнун, жөнөкөй викторинаны же эсептегич колдонмосун түзүү.
Үй тапшырмасы: Долбоорду бүтүрүп, анын иштөө логикасын кыскача түшүндүрүүгө даярдангыла.

Жыйынтыктоо жана баалоо

Окуучу алгоритм түзүп жана талдап, өзгөрмө, шарт, цикл жана функцияларды колдонуп, жөнөкөй программаларды түзөт; коддогу каталарды табат жана оңдойт; жөнөкөй оюн же колдонмо жасап, иштөө логикасын түшүндүрөт.

← Курстун программасына кайтуу